ESTA
Entrante 12 di januari 2009 Department of Homeland Security, DHS, a introduci un programa nobo cu tin como meta pa haci biahamento pa Merca mas sigur. Esaki ta nifica cu tur hende cu ta biaha pa Merca sea pa placer of pa haci negoshi mester pidi adelanta permiso pa drenta Merca via e programa online cu yama Electronic System for Travel Authorization, ESTA. E personanan cu tin un visa pa biaha pa Merca no ta obliga pa haci uzo di ESTA tanten cu e visa ta valido y cu ta uza e visa pa e proposito cu otorg’e. Bo por registra via e website: https:// esta.cbp.dhs.gov/esta/. Pa esnan cu no ta domina e idioma di Ingles, tin mas idioma riba e website disponibel pa yuda e usuario compronde e preguntanan. Paga tino si cu e contestanan mester ta na Ingles. Si acaso cu bo no tin acceso na internet, un otro persona (ruman, agencia di biahe, amigo etc) por yena e formulario pa bo.