Entrante 1 di april tur pago di bijstand lo bay via banco
ORANJESTAD - Departamento di Asuntonan Social kier a informa na tur esunnan cu ta cobra bijstand, di lo siguiente:
Entrante 1 di april 2025, e personanan cu no a logra habri un cuenta bancario ainda y cu ta den tramite, cu lo por cobra solamente riba diamars na Postakantoor Oranjestad y San Nicolas.
Orario pa cu esaki lo ta:
- Pa luna di april lo paga dia 8 di april 2025 di 8:00am te cu 12:00pm;
- pa luna di mei lo paga dia 13 di mei 2025 di 8:00am te cu 12:00pm;
- pa luna di juni lo paga dia 10 di juni 2025 di 8:00am te cu 12:00pm.
Pa loke ta trata e personanan pariba di brug, nan lo cobra solamente na Postkantoor San Nicolas. Pa esunnan cu ta biba pabou di brug, p.e. Santa Cruz, Paradera, Noord y Oranjestad, lo efectua pago na Postkantoor Oranjestad.
Den caso cu e persona no bin cobra riba e fecha stipula, lo blokia nan bijstand y nan lo no por cobra e siguiente luna.
Pa mas informacion, por yama Departamento di Asuntonan Social libremente na telefon 528-1100/528-1110 of manda un mensahe riba Whatsapp na 593-3118. Tambe por manda un mail na bijstand@das.aw.