Enseñansa basico

Enseñansa basico ta pa mucha di 6 te cu 11 aña y tin duracion di 6 aña.  Na final di e ultimo aña di enseñansa basico, a base di conseho di scol, di punta y den cierto caso di resultado di un test ta determina e rumbo cu un alumno lo sigui den enseñansa secundario.
Enseñansa basico ta reglamenta den Ley di Enseñansa basico.

Meta

Enseñansa basico tin como meta e desaroyo general di e mucha. Enseñansa basico ta cubri e siguiente materianan:

  • Lesamento
  • Skirbimento
  • Rekmento
  • Hulandes
  • Historia
  • Geografia
  • Conocemento di naturalesa
  • Musica
  • Pintamento
  • Ehercicio fisico
  • Habilidad manual
  • Trafico
  • Ciencia social
  • Papiamento

Materia adicional cu por wordo cubri ta:

  • Ingles
  • Spaño
  • Religion

Un alumno di enseñansa basico por cambia pa enseñansa special den caso cu esaki ta wordo considera necesario.

Pa e muchanan cu na cas ta papia otro idioma cu no ta Papiamento of Hulandes, a introduci e asina yama PRISMA-project pa yuda nan domina den un tempo relativamente corto e idioma Hulandes.  Como parti di e proyecto aki a bin cu e dependance, Scol di Amor, cu ta ofrece programa di incorporacion na nivel di enseñansa basico. Durante un aña escolar e alumnonan ta haya idioma Hulandes y lesamento segun metodo di Prisma. Fuera di esey nan ta haya e mesun metodo di rekmento cu e otro scolnan basico. Despues di un aña nan ta pasa pa un scol basico of scol secundario regular.

Directiva y Scol

Tin 4 directiva di scol cu tin conhuntamente bou di nan auspicio 37 scol di enseñansa basico:

Dienst Publieke Scholen (DPS)

  1. Colegio Conrado Coronel
  2. Colegio Hilario Angela
  3. Comm. Pieter Boerschool
  4. Reina Beatrix
  5. Scol Basico Washington
  6. Scol Primario Kudawecha
  7. Prinses Amalia Basisschool

Stichting Katholiek Onderwijs Aruba (SKOA)

  1. Cacique Macuarima School
  2. Colegio Bon Bini
  3. Colegio Cristo Rey
  4. Colegio F B Tromp
  5. Colegio Frere Bonifacius
  6. Colegio Laura Wernet-Paskel
  7. Colegio Oro Ubao
  8. Colegio Pastoor Kranwinkel
  9. Colegio Sagrado Curason
  10. Colegio San Hose
  11. Colegio Santa Filomena
  12. Colegio Santa Teresita
  13. O.L.V. Fatima College
  14. Kukwisa School
  15. Maria Gorretti School
  16. Dependance Ayo
  17. Maria Regina School
  18. Maria School
  19. Paulus School
  20. Pius X School
  21. St Rosa College
  22. Rosario College
  23. Sint Aloysius School
  24. Sta Anna School
  25. St Dominicus College
  26. St. Franciscus College
  27. St. Michael School

Stichting Protestants-Christelijk Onderwijs Aruba (SPCOA)

  1. Graf v. Zinzendorf School
  2. Mon Plaisir School

Stichting Volle Evangelie Onderwijs Aruba (SVEOA)

  1. Faith Revival School