Enseñansa avansa general

E muchanan tin e ora ey e edad di diesdos aña of mas. Tin scol publico y scol particular cu ta ofrece enseñansa secundario. Dienst Publieke Scholen (DPS) ta dirigi y ta encarga cu administracion di e scolnan publico. E otro directivanan di scol ta encarga cu e scolnan particular. Gobierno ta subsidia mayoria directiva di scol. Pa por ricibi subsidio di gobierno un scol mester cumpli cu e rekisitonan describi den e ley ariba menciona.

Na Aruba nos conoce cuater tipo di Enseñansa Secundario:

Enseñansa Secundario riba tereno profesional:

Educacion Profesional Basico (EPB)

Voortgezet Speciaal Onderwijs:

SPO - Scol publico pa enseñansa secundario especial (aspirantopleiding)

Enseñansa Secundario riba tereno general:

Enseñansa Avansa General ta prepara e studiantenan pa nan futuro y pa un studio mas avansa. 

Meta

Enseñansa Avansa General nobo tin como meta un formacion general amplio di e alumno saliendo di e situacion Arubiano, un mihor guia di e alumno ariba diferente tereno pa duna garantia pa un mihor conexion riba e estudio cu e alumno ta bay sigui sea na Aruba of na Hulanda.
Tres diferente directiva di scol ta ofrece Enseñansa Avansa General y ta reparti den:

• Enseñansa avansa general secundario (MAVO);
• Enseñansa avansa general superior (HAVO);
• Preparacion pa enseñansa scientifico (VWO).