Encuesta di CBS: Inclusion di hende muhe na Aruba

Un dia cu tanto e hende muhe como e hende homber ta uni pa celebra e forsa y e resiliencia impresionante di hende muhe y ta duna reconocemento na hende muhe pa e logronan obteni den tur aspecto, entre otro den economia, cultura y politica.

E hende muhe Arubiano tambe dia pa dia ta progresando den tur aspecto, algun den stapnan grandi y otronan den stapnan menos grandi. Inclusion di hende muhe den nos comunidad ta hopi importante pa hiba nos pais den e bon rumbo.

Recientemente Central Bureau of Statistics (CBS) a lansa un encuesta tocante e inclusion di hende muhe den e comunidad di Aruba. E encuesta ta consisti di preguntanan tocante con hopi ta inclui hende muhe riba diferente tereno den nos comunidad.

Prome Minister Evelyn Wever-Croes ta encurasha tur hende muhe, jong y adulto, y tambe hende homber, pa participa den e encuesta aki tocante inclusion. Bo bos, perspectiva y opinion ta conta. Participando na e encuesta, no solamente bo ta comparti bo pensamento, pero tambe bo ta haya oportunidad pa ta parti di e cambio cu bo ta desea di mira na nos pais. Cada reaccion di nos comunidad, ta un paso padilanti pa un Aruba mas diverso y inclusivo, cu muhe y hombernan expresando nan potencial sin limite.

Por completa e encuesta completa via e siguiente link:
https://www.dooblocawi.com/client/Survey.aspx?Ticket=AJ9T84HG

Pa cualkier pregunta tocante e encuesta por tuma contacto cu CBS, durante oranan di oficina na 524-7433 of por manda un e-mail na cbs@setarnet.aw.