Embeyecemento di toren na Palm Beach entrante 13 di juli

Artista local Paul Wong ta engcarga cu e proyecto di embeyecemento aki cual ta programa pa ta completa dia 25 di juli 2024.

Na 2018 Gobierno y Riu Hotel a financia e renobacion di e toren pero lamentablemente e renobacion haci no a wanta mucho. Mal tempo y naturalesa tabatin su consecuencia riba estado di e toren pa cual a haye necesario pa renova esaki un biaha mas. Ministerio di Turismo hunto cu Aruba Tourism Authority a busca e fondonan necesario pa drecha e toren y plataforma. E biaha aki lo uza materialnan cu lo dura un tempo largo.

E acceso na e toren di Palm Beach lo ta restringi durante di e periodo cortico aki. Pero ora e keda cla lo bira un otro atraccion pa nos localnan y turistanan.