EduTech a inverti Afl. 415.000,00 den e 12 proyectonan escolar ganado.

Prome Minister, a bishita diferente scol pa conoce e trabounan di innovacion cu cada scol a haci y ta haciendo y a expresa di a keda hopi impresiona. Gran mayoria di e scolnan ya caba tawata tin otro proyecto di innovacion cu nan a cuminsa cu ne riba nan propio iniciativa y forsa y EduTech a yuda pa hiba nan proyecto na e siguiente nivel.

EduTech Fund ta un iniciativa pa stimula innovacion, tecnologia, y interactividad den scolnan di Aruba. Pa medio di EduTech Fund, scolnan di Aruba por aplica pa haya subsidio, pa proyectonan piloto di innovacion cu nan propio maestronan of studiantenan a crea. Alabes, na e manera cu e proyecto ta diseña, eta stimula un pensamento innovativo den e educadornan y studiantenan cu ta diseña e proyectonan aki. Total a ricibi 50 aplicacion den e prome aña di EduTech di cual a scoge 12 scol ganado.

Innovacion den educacion ta crucial pa nos pais su desaroyo y prosperidad. E mundo ta cambia rapidamente, y nos mester sigui den mesun paso cu e desaroyonan tecnologico. Nos studiantenan mester ta prepara pa e mundo di futuro, caminda tecnologia ta hunga un rol critico den tur aspecto di bida. Pa logra esaki, nos mester inverti den tecnologia y innovacion den nos sistema di educacion y prepara nos hobennan cu tur herment posibel pa nan por ta exitoso den futuro. EduTech Fund ta duna e posibilidad pa scolnan, maestronan, y studiante experimenta cu tecnologia y desaroya solucionnan innovativo pa mehora nos educacion.

E importancia di e Proyecto EduTech, ta e ta ideanan cu ta nace na e scolnan mes entre maestro, alumnonan y mayornan, cu ta esnan cu sa kico tin mester na cada scol. Esaki ta motibo pa continua cu EduTech Fund y ta spera ku scolnan sigui probecha di e oportunidad aki.

Pa mas informacion y pa aplica por bishita e website www.edutecharuba.org