Si bo tin pensa pa biaha pa Aruba, tin cierto documento cu ta rekeri.
E documentonan ta:

• Un paspoort valido y otorga na e pais di procedencia;
• Pa algun pais di procedencia ta rekeri un visa;
• Un E/D Card (Embarkation-Disembarkation Card) completamente yena.Por yena e carchi riba e website www.edcardaruba.com. Mester yena unicamente te cu 48 ora prome cu salida di bo vuelo.E programa aki ta brinda e posibilidad pa yena e carchi ED online prome cu bo biaha y ta un bon alternativa pa e carchi existente cu ta reparti durante tur vuelo pa Aruba. Mescos cu e ED card e peticion online pa e ED card ta gratis. Pa por yena e ED-card bo mester di un paspoort valido, como tambe un e-mail adres unda bo tin acceso. Pa por yena e formulario exitosamente bo mester duna informacion di bo paspoort. Lo bo haya un confirmacion di bo registracion na bo e-mail adres.

E siguiente personanan no mester di yena E/D Card.

• Hulandes naci na Aruba;
• Hulandes cu prome cu 1 di januari 1986 tabata biba legalmente na Aruba;
• Stranhero cu a naturalisa na Aruba;
• Yuinan di e gruponan aki riba menciona cu a nace pafor di Aruba y cu tin nacionalidad Hulandes.

Si bo no tin e tres documentonan mas ariba menciona, bo no por drenta Aruba y nan lo manda bo bek pa bo pais di procedencia den e prome oportunidad cu presenta.

Mester haci peticion pa visa na tempo na Embahada of Consulado Hulandes den e pais di procedencia. Diferente compania di aviacion of crucero no ta aborda un pasahero cu no tin un visa valido, si e pais di destinacion ta exigi esey.