DVG ta urgi tur esnan cu falta pa haci nan Tuberculosis test pa presenta
ORANJESTAD - Departamento di Salud Publico ta haci un yamada na tur persona cu tin pendiente un Tuberculosis test pa haci na seccion di Malesanan Infeccioso, sea pa por ricibi nan permiso di estadia, pa trabou, pa motibo di salud of cualkier otro motibo, pa pasa riba diamars dia 25 maart, entre 3:00 cu 6:00 di atardi.
Despues 25 di maart, tur persona mester pasa pa e test di Tuberculosis na oficina di DVG durante orario regular di trabou cu ta riba dialuna of diamars entre 7:45 cu 11:30 di mainta y 1:15 cu 3:30 di atardi. Pa mas informacion por tuma contacto cu nos servicio di Malesanan Infeccioso na 5224239 of 5224241.
Pa informacion aditional por like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw
