Esaki pa proteha y evita esnan residencia den casnan di cuido keda interna of fayece debi na complicacion serio cu e virus respiratorio di Influenza por ocasiona. Casnan di cuido ta conoci pa ricibi diferente bishitante pa dia of empleadonan cu ta drenta y sali di e diferente centro di cuido. E fluho di persona aki ta eleva e riesgo di trece diferente virus entre otro Influenza y tambe COVID-19 y contagia esnan den e casnan di cuido. E dos virusnan respiratorio aki ta conoci pa ocasiona complicacion grave cerca esnan mayor di 60 aña pero tambe cerca un grupo vulnerabel den nos comunidad.

DVG ta conseha pa tur adulto mayor y cliente bibando den casnan di cuido pa tuma ambos vacuna di awo pa dilanti tur aña. DVG lo percura pa bishita tur cas di cuido, den e simannan cu ta sigui, cu un team consistiendo di enfermeronan pa por vacuna tur adulto mayor y cliente bibando den cas di cuido. Un suplica ta bay na famia di e adulto mayor y clientenan bibando den casnan di cuido pa no lubida di aserca e cas di cuido di bo ser keri pa informacion riba e posibilidad pa por ricibi tur 2 vacuna.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama 5224200 of manda email na servicio@dvg.aw.