Darlene Dol y Vanya Tromp ambos a ricibi un beca na balor di Awg 189.000,-  cu ta cubri 4 aña di estudio completo. Gobierno a felicita Darlene Dol y Vanya Tromp pa logro aki, completando nan evaluacion y entrevista cu exito. “Mi ta desea boso tur clase di exito den boso estudio durante e siguiente 4 aña. Masha pabien na e mayornan y demas famia cu e logro di boso yiunan, y na Xavier University pa duna e studiantenan aki e oportunidad grandi di yega na un profesion asina importante na Aruba mes. Mi ta sumamente orguyoso di nos studiantenan y spera cu pronto nos por conta cu dos di e miho docternan aki na Aruba" Prome Minister señora Evelyn Wever-Croes a expresa.

Ademas Gobierno ta gradici Xavier University School of Medicine pa kere den Aruba, y pa e inversion di 70 miyon dollar cu ta haciendo den nos economia, na unda ya a construi un campus na Hato cu ta conta cu 198 camber y actualmente ta construyendo un auditorio, laboratorio y lokaalnan pa les.