Divorcio
Ta disolve un matrimonio ora cu un di e casanan a muri of ora di divorcio. E proceso di divorcio ta manera lo siguiente:
- Un di e parehanan ta acudi na un abogado;
- Esposa y esposo y/of nan abogadonan mester presenta dilanti hues;
- Hues ta duna su sentencia;
- Mester laga registra e sentencia di divorcio den Registro civil na Censo.
Mester acudi na un abogado pa cuminsa cu e proceso pa disolve e matrimonio. Hues ta duna sentencia den caso di divorcio.
Motibo pa divorcio
E unico motibo pa un divorcio ta (desde prome di januari 2002) kiebro permanente di e matrimonio.
Inscripcion sentencia di divorcio
Pa e sentencia aki tin validez legal, mester laga inscribi’e den Registro Civil na Censo. E inscripcion mester sosode dentro di seis luna despues cu hues a dicta sentencia y e termino di apelacion a pasa. Despues di inscripcion e ora ey matrimonio ta disolve oficialmente.
Por pasa personalmente na Oficina di Censo/Registro Civil pa inscribo bo divorcio. Nan ta procesa bo divorcio na e oficina mes
Tene cuenta! Si no haci esaki, e matrimonio ta keda valido.
Por inscribi un divorcio na Censo y Registro Civil:
- riba peticion di ambos partido of door di un di nan.
- door di bo abogado riba bo ordo. Bo mester autoris’e (dun’e machtiging) specificamente pa haci esaki.
Trece cubo ora di inscribi divorcio:
- Sentencia di Hues;
- Declaracion di e griffie di corte unda e fecha ta para unda Hues a dicta sentencia;
- Un identicacion valido;
- Si ta abogado ta haci inscripción (un autorisacion (machting) di su cliente.