Directie Natuur en Milieu ta presenta serie di Podcast: “Cadushi ta Zona cu Dyrick”

Esaki ta un podcast dedica na entre otro educa y envolvi e comuni-dad tocante Aruba su medio ambiente, naturalesa, herencia cultural, desaroyo sostenibel, co-nexion vital entre naturalesa y salud y mucho mas.

Dyrick, un hoben curioso y pasiona cu Aruba su naturalesa y herencia cultural, lo presenta e se-rie di “Cadushi ta zona cu Dyrick” pa medio di un perspectiva unico y natural. Esnan cu sintonisa e serie aki ta embarca den un biahe cu ta expande perspectiva y tene oreanan habri, explo-rando Aruba su biodiversidad, tradicion, esfuerso di conservacion y retonan ambiental. Cada episodio Dyrick lo combersa cu diferente representante di un organisacion cu tin di haci cu e topico di e dia ey y tambe cu expertonan local. Den un formato di combersacion lo elabora to-cante nos historia. Hunto cu Dyrick nos lo siña con pa proteha y conserva nos naturalesa y he-rencia pa futuro generacion di nos isla.

“Cadushi ta Zona cu Dyrick” ta un movemento pa conscientisa y inspira accion. Door di com-parti conocemento na un manera atractivo y cu por relaciona cu ne, nos kier logra un impacto duradero con e comunidad local ta conecta y balora naturalesa.

E podcast lo ta disponibel riba plataformanan manera Spotify, Apple Podcasts, como tambe riba Facebook y Instagram como tambe riba e YouTube channel di DNM. Lo tin un episodio nobo cada dos siman cu ta cubri topiconan manera Aruba su ecosystema unico, conservacion di fauna, cambio di clima, turismo sostenibel, identidad cultural, y hopi mas.

Sigui Directie Natuur en Milieu riba media social pa keda na altura di e fechanan y contenido exclusivo di cada episodio.