Vacation rentals ta un topico cu ta basta den discusion den e ultimo simannan y mirando cu DIP ta forma parti di e Steering Committee Taskforce, a haya prudente pa intercambia pensamento cu DIP y haya nan input.

E meta di e taskforce ta pa traha un rapport di datonan concreto pa asina Gobierno por hiba su maneho pa "other accommodations".  Ta hopi importante pa gobierno tin un bista amplio di tur "other accommodations" cu Aruba ta ofrece.

E intencion ta pa yega na un maneho cu ta practico pa tur hende, y segun e maneho nobo, tur doño di un vacation rental lo mester tin un permiso pa por opera, cual Gobierno lo otorga.

Ta importante pa bin cu regulacion pa propietarionan di other accommodations pa por crea e level playing field y tambe tin cumplimento necesario cu nan obligacionnan. Esaki ta sumamente importante pa crea y mantene e calidad di e producto Aruba.

E reunion tabata hopi productivo pa por fiha e maneho nobo pa vacation rentals.