Dia Mundial pa Combati Secura y Suelo Degrada

E tema pa 2023 ta "Su tera, Su derecho". Hende muhe ta e actornan mas importante den e esfuerso global pa combati y reduci Secura ySuelo Degrada, pero na mayoria pais nan acceso na y control riba tera pa cultiva y cria di bestia ta limita. E dia aki ta refleha e impacto cu e desbalansa aki ta trece pa hende muher y mucha muher.

Secura y suelo degrada mayoria bes ta causa pa ser humano, manera deforestacion, maneho di agricultura no

sostenibel, y overgrazing. Secura ta un periodo largo unda e condicionnan climatico mayoria bes ta hunga un rol. Paisnan clasifica SIDS (Small Island Developing States) ta particularmente vulnerabel pa impacto di suelo degrada y secura. Nan suelo ta hopi biaha isola cu recurso limita.E islanan aki ta na riesgo pa motibo di cambio di clima, cu ta conduci na temporada di secura mas frecuente y severo. Secura y suelo degrada por conduci na inseguridad di calidad di cuminda, scarcedad di awa, dificultad economico, medio ambiente y naturalesa degrada. Econdicionnan aki por hasta pone cu hende ta realoca pa un miho porvenir.

Mester intervencion den maneho y promove practica sostenibel, ta resiliente pa cambio di clima, y yuda SIDS adapta pa ta miho prepara pa impactonan di suelo degrada y secura.

Algun condicion cu ta importante:

• Impacto medio ambiental: Secura y suelo degrada ta conduci na erosion, perdida di vegetacion y scarcedad di awa. Esaki ta daña ecosistemanan cu ta hacie dificil pa practica agricultura y ta sumenta riesgo pa candela.
• Impacto economico: esaki por conduci na perdida di cosecha, cria di bestia y turismo cu ta nos pilar economico.
• Impacto social: secura y suelo degrada por conduci na inseguridad di cuminda, scarcedad di awa y migracion. Esaki ta pone cu comunidad no por sostene otro tampoco pa e servicionan basico.

Combati secura y suelo degrada ta importante pa e islanan SIDS pa proteha medio ambiente, economia y humanidad; Maneho sostenibel di tereno; esaki ta inclui reforestacion, terracing, y cambio di cultivo. Esaki ta yuda preveni erosion di suelo, drecha e facilidadnan pa retene awa manera dam y aumenta cosecha. Conserva awa: colecta awa di yobida, inverti den irigacion cu sistema drip y recicla awa. Esaki ta yuda reduci consumo di awa y ta haci conservacion di awa mas eficiente. Adapta na cambio di clima: traha seawalls, desaroya cosecha cu ta resistente na secura y diversifica economia.

Directie Natuur en Milieu ta enfatisa cu ta esencial pa combati secura y suelo degrada pa futuro di nos isla. Na Aruba ultimamente a sinti periodo largo di secura acompaña pa temperatura halto cu ta afecta cosecha den su totalidad. Islanan mester traha hunto riba un futuro sostenibel pa garantisa un miho calidad di nos suelo.