Dia Mundial di Obesidad

¿Con alcohol y obesidad ta conecta?

Alcohol ta yen di caloria bashi, sin nutriente. Esaki ta manera energia sin balor pa bo curpa, cu ta hiba na aumento di peso si no kima esaki. Ademas alcohol ta lanta apetit y ta laga un hende come mas, specialmente cosnan cu hopi vet y carbohidrato.

Alcohol ta stroba bo curpa di kima vet, specialmente rond di bo barica/cintura. Si bo tin sobrepeso of obesidad y bo ta bebe alcohol, bo riesgo di haya malesa di higra ta mas halto cu esnan cu tin un peso saludabel. E consumo continuo di alcohol ta asocia cu acumulacion di vet rond di bo barica y ta un factor peligroso pa mortalidad di adulto. E combinacion entre obesidad y consumo excesivo di alcohol ta aumenta e riesgo pa problema cu higra, curason y varios otro malesa.

Tene na cuenta cu e relacion entre obesidad y consumo di alcohol por varia segun e cantidad y frecuencia di e consumo, y tambe segun otro factornan individual.