Dia Mundial di Awa: Awa ta Paz

E tema aki ta enfoca riba e rol crucial cu awa tin den promove y establece paz y desaroyo sostenibel.
Awa por crea paz of por ta motibo pa inicia conflicto den areanan na unda e recurso aki ta scars. Tambe ora hende no tin acceso igual of no tin acceso mes, tension por subi entre comunidadnan y paisnan. Awa y paz ta bay man den man, p'esey Directie Natuur en Milieu (DNM) ta promove e tema aki y ta enfatisa cu sin awa nos no por biba. Awa ta esencial pa salud humano, agricultura, produccion di cuminda, y pa un medio ambiente sano.

Na Aruba, nos no conoce conflicto pa motibo di awa y scarcedad di awa potabel no ta existi. Uzo y conservacion di awa conscientemente ta garantisa calidad di recurso di awa pa generacionnan di futuro.

E celebracion di Dia Mundial di Awa tambe ta un yamada pa accion:

• Inverti den maneho di awa pa sigura acceso na awa limpi pa tur hende.
• Traha riba solucionnan pa maneho di awa y di desperdicio pa reduci posibilidad di contaminacion.
• Promove cooperacion pa comparti recursonan di awa di manera husto y duradero pa asina evita conflicto.

Cua ta e beneficionan di uni rond di e tema di awa? Awa por saca nos for di crisis. Cooperacion riba e tema di awa ta habri caminda pa cooperacion riba otro retonan cu nacionnan ta comparti. P’esey nos ta promove e lasonan vital cu ta existi entre awa y paz. E cooperacion riba e tema "awa" ta crusa frontera y diferente sector ta demostra cu tin beneficionan cu ta acelera progreso pa cu e metanan di desaroyo sostenibel (SDG's).

Esakinan ta inclui; cu awa pa consumo ta yega na esnan cu mester di dje, cu tin awa pa sanidad, cu awa ta sigura produccion di alimento, awa ta sostene bienestar y ecosistemanan saludabel y awa ta aporta na resiliencia contra cambio di clima. Door di e aporte di resiliencia ta yuda reduci riesgo di desaster, awa ta duna aporte na energia renobabel, ta sostene ciudadnan e industria. Di e manera aki ta stimula mas paz en general.

Locual si nos mester realisa na Aruba ta cu e produccion di awa cu nos ta uza ta crea awa sushi cu no tin uzo. Ta importante pa busca manera pa procesa esaki di manera cu por uza esaki den otro sector. Nos mester pensa den direccion di e circularidad di awa, cu ta tratamento di awa sushi na un nivel di calidad cu por re-uza esaki. Tin varios opcion pa uza awa colecta, por ehempel pa flush wc of muha mata.

Pa mas informacion tocante Dia Mundial di Awa por bishita e website oficial di UN na;
World Water Day - Resources | United Nations www.un.org/en/observances/water-day/resources