Como un instancia pa proteccion di mucha, Directie Voogdijraad ta cay directamente bao di Ministerio pa Husticia. Voogdijraad ta garantisa e derecho fundamental di un menor pa un desaroyo saludable y balansa y un crecemento pa bira un ser independiente. Voogdijraad tin e competencia legal, den caso cu ta necesario, pa pidi hues tuma medida di proteccion na fabor di menor. Voogdijraad ta consisti di: 

• departamento social;
• departamento financiero;
• departamento huridico.

E departamentonan di Voogdijraad menciona ta haya apoyo di e seccion di administracion. E management ta delega trabao y ta duna cuenta na e minister concerni.