Departamento financiero

Ambos mayor ta responsabel financieramente pa nan yiu te ora cu e cumpli e edad di 21 aña. Si ta trata di alimentacion di yiunan menor di edad (0-18), ta papia di gasto di cuido y criansa/educacion. Si ta trata di alimentacion di yiunan mayor di edad (18-21), ta papia di mantencion y estudio. Ora un di e mayornan no ta cumpli cu su obligacion financiero, e otro mayor por acudi na e departmento financiero cu un peticion pa intermedia.

E departamento financiero tin horario di consulta tres biaha pa siman. E horario di consulta ta:

dialuna di 8:00 or pa 11:00 or di mainta;
diaranson di 2:00 or te 4 or di atardi;
diabierna di 8:00 or te 11:00 or di mainta.

E ora di consulta riba diaranson ta pa regla datonan pa peticion di bijstand.
E funcionario financiero semper ta dispuesto durante orarionan di oficina pa papia cu bo y haci un cita pa trata bo caso. Motibo pa un cita ta:

peticion pa intermedia den asunto di alimentacion;
peticion pa cambio di alimentacion;
suministro di declaracion relaciona cu alimentacion;
suministro di carta di interes pa e declaracion di belasting riba entrada (inkomstenbelasting).

E horario di caha pa ricibi y paga placa di alimentacion ta:

di 8 or te cu 11:30 or di mainta;
di 1.30 te cu 4 or di atardi.

E departamento financiero ta autorisa pa pone beslag riba salario ora cu esun cu tin cu duna alimentacion no cumpli cu e decision di hues. E departamento financiero tambe ta autorisa pa busca informacion cerca e doño di trabao tocante entrada di esun cu tin cu paga alimentacion.