DAO cu servicio adapta entrante 23 di december 2024 te cu 3 di januari 2025
ORANJESTAD - Departamento di Labor y Investigacion kier a participa na tur cliente cu riba dianan 23, 27, 30 di december 2024 y diabierna 3 di januari 2025 nan oficina lo ta cera fisicamente pa publico.
Pa casonan urgente di problema di trabao y/of intermediacion por tuma contacto cu DAO, entre 8:00 pa 11:00 di mainta y di 1:00 pa 3:00 di atardi, riba e dianan menciona aki riba e numbernan:
- 593-8024
- 593-8549
Dialuna 6 di januari 2025 DAO lo ta habri bek segun orario normal.