Curso instructor di landamento
Si bo ta interesa pa bira un instructor di landamentro, bo por acerca IBISA (Instituto pa Biba Saludabel y Activo). IBISA ta organisa anualmente of cada dos aña un curso pa instructor di landamento A. Despues di termina e curso, e instructornan ta califica pa duna examen di landamento pa e diploma A y B di Arubaanse Zwembond.
E curso ta consisti di diferente modulonan manera tecnica, metodica, teoria, fisiologia di landamento, abilidad pa landa y practica. E curso ta dura dies (10) luna y ta admiti aplicante cu tin minimo 16 aña y cu tin diploma D di e Arubaanse Zwembond y e diploma EHBO. Tambe por haya e dos diplomanan cu falta durante di e curso.