Curso entrenador di deporte
Si bo ta interesa di bira un entrenador di deporte, bo por sigui un curso pa esaki na IBISA (Instituto pa Biba Saludabel y Activo). IBISA ta organisa anualmente of cada dos aña un curso pa entrenador di deporte. E curso ta destina pa esnan cu kier capacita nan mes den duna les of maneha (lidera) un of mas ramo di deporte.
Cu e curso aki IBISA tin como obhetivo pa crea lider cu por draai hunto cu e programa di instruccion di IBISA tanto na e scolnan como den e districtonan. Cu e diploma di entrenador di deporte e persona interesa por fungi tambe como entrenador hubenil pa un deporte organisa.
E curso ta encera tanto modulo di teoria y practico, manera instruccion di deporte, teoria di deporte, fisologia di deporte, lesion den deporte, practica di deporte y pasantia. E curso ta dura 1 aña.
Pa admision na e curso e aplicante mester tin e edad minimo di 18 aña y conocemento amplio di un of mas deporte manera football, baseball, softball, basketball, volleyball, handball y fitness.