Cunucu di Chabelito

Si bo ta gusta bestia, anto un bishita na e cunucu di mucha sigur ta na su lugar. Na 1997 a habri na Santa Rosa “Cunucu di Chabelito” cu ta un proyecto conhunto di Santa Rosa y Departamento di Enseñansa. E cunucu ta sirbi como apoyo pa e programa di enseñansa di Departamento di Enseñansa, unda e  muchanan por tin contacto directo cu bestia di cas, agricultura, cria di bestia y parha local.

Na un manera practico y den forma di wega e muchanan ta haya conocimento, pero tambe respet pa otro sernan bibo. E cunucu pa mucha ta funciona y ta cumpli cu un necesidad, aunke cu claramente a resulta cu e bishitanan ta mas tanto for di e punto di bista recreativo y no segun e meta di e cunucu. Scol, crèche y fundacion manera FAVI y famia ta bishita e cunucu regularmente. Klas di scol y otro gruponan por haci un cita pa un bishita cu guia na “Cunucu di Chabelito”.

Por combina esaki cu un bishita na e otro departamentonan di Santa Rosa. E docentenan por pidi informacion adelanta of por pidi un pakete di les relaciona cu e bestianan cu tin den e cunucu.

Unda pa pidi'e? / Mas informacion na

Santa Rosa (DLVV) -  Seccion di Informacion y Educacion

Habri pa publico: Dialuna pa diabierna di 7.00 – 12.00 y di 13.00 – 16.00 
Orario di caha: Dialuna pa diabierna di 7.30 – 12.00 y di 13.00 – 15.00  

Fin di siman, dianan di fiesta y dianan di ATV ta cera pa publico 

Kico mi tin di hiba cu mi?

Durante e bishita cu guia tin oportunidad di come y bebe loke cu e grupo mes ta trece cune (bao di e gazebo).

Cuanto e ta costa?

Te cu proximo aviso gratis
Pa e pakete di les mester paga un deposito di Awg. 25,-. Ta debolbe e deposito ora cu debolbe e pakete completo di les cu a fia.

Cuanto tempo ta dura pa hay'e?

Depende di e planeamento, trabao, condicion di tempo y  e peticionnan. Ta evita cu mas grupo ta riba e mesun ora na e mesun departamento.