Cuerpo policial a inicia cu e curso di ‘voortgezet rijopleiding’
ORANJESTAD - Recientemente, a inicia e curso ‘voortgezet rijopleiding’ pa Cuerpo Policial.
Un compania certifica for di Hulandalo brinda e curso aki cu a duna e mesun training na henter e Cuerpo di Ambulance, pa asina nan por tin miho recursonan, mirando tambe e fleta nobo di vehiculonan cu ta bay bin.
E curso aki ta di suma importancia pa e propio siguridad di e personal. 30 agente policial, di diferente districto, como tambe recherchedienst lo bay tuma parti na e curso aki, pa asina despues nan mes por tuma esaki over y sigui educa y brinda e conocemento na e resto di personal di Cuerpo Policial.
Minister di Husticia y Asunto Social, Rocco Tjon ta satisfecho cu e acogida di e curso, como tambe e interes di Cuerpo Policial mes pa cu e curso.