Control preventivo carnaval 71

ORANJESTAD - Ministerio Publico y Cuerpo Policial di Aruba ta informa cu polis lo controla preventivamente pa detecta posesion di arma di candela durante un total di siete actividad di Carnaval.

Na San Nicolas lo controla preventivamente durante Parada di Mucha (23 di februari), Parada di Luz (27 y 28 di februari) y Parada Grandi (prome di maart).

Na Oranjestad, lo controla preventivamente durante Lighting Parade (22 y 23 di februari) y Parada Grandi (2 di maart).

Den cuadro di e accion polis ta autorisa pa para personanan y controla nan na nan paña, pa pidi hende pa habri tas y paki y pa ristra den esakinan, y pa ristra den autonan y otro vehiculonan riba posesion ilegal di arma di candela.

Huez-comisario, riba peticion di Ministerio Publico a  autorisa Polis: 

  1. 23 di februari 2025 di 13.00 or te 18.30 or - Durante Parada di Mucha na San Nicolas;
  2. 27 di februari 2025 di 20.00 or te 28 di februari 2025 te 02.30 or - Durante Parada di Luz na San Nicolas;
  3. Prome di maart 2025 di 11.00 or te 19.30 or - Durante Parada Grandi na San Nicolas; 
  4. 22 di februari 2025 te 23 di februari 2025 di 20.00 or te 03.30 or - Durante Lighting Parade na Oranjestad;
  5. 2 di maart 2025 di 11.00 or te 19.30 or - Durante Parada Grandi na Oranjestad.
Schedule Carnaval 71