Conseho Social Economico (SER)
Conseho Social Economico (SER) a ser institui na 1987 segun e ordenansa nacional Sociaal Economische Raad. Su miembronan ta e representantenan di e organisacionnan di trahado y di doño di trabou y e expertonan independiente.
Conseho Social Economico tin como tarea pa conseha Gobierno tocante tur asunto importante riba tereno social y/of economico. E ta duna conseho riba peticion di un of mas minister y tambe e por duna conseho for propio iniciativa tocante asunto di indole social economico. E ta formula su consehonan conforme e opinion di e mayoria di e reunion. Den e consehonan ta menciona e opinion di e minoria cu ta desvia di esun di e mayoria.
Conseho Social Economico ta publica su consehonan, despues cu por lo menos trinta dia y prome cu sesenta dia a transcuri cu nan a emiti e conseho. A menos cu na opinion di Gobierno, interes general no ta permiti transparencia of ora cu e minister cu a pidi conseho a duna di conoce cu minister di Asunto General lo publica of lo percura pa publica e conseho. Minister di Asunto General mester publica, den e caso aki, e consehonan di Conseho Social Economico dentro di 90 dia despues cu e conseho a ser emiti.
Link(s) externo: