Con Sarampi ta transmiti su mes

Cerca algun hende un infeccion cu Sarampi por ocasiona complicacion serio y hasta morto. Un persona contagia cu Sarampi por infecta entre 15-20 persona na e mesun momento.

Sarampi ta afecta e via respiratorio y despues ta plama ful den e curpa. Sintomanan ta inclui keintura halto, tosamento, nanishi ta core, por tin mancha blanco chikito den boca y un rash cu ta cuminsa na cara y ta plama pa e curpa completo.

Sarampi ta plama di hende pa hende via aire of superficie. Na momento di tosa of nister, drup fini (droplets) ta sali y ta keda “zweef” pa un rato den aire pa despues cay riba algun superficie. Durante e tempo cu e droplets ki ta den aire un persona por respira e droplets aki pa medio di su nanishi of por piki e droplets aki for di ariba un superficie cu su man y hiba esaki na su boca, nanishi of wowo. Un persona ta infeccioso for di ora cu su sintomanan cuminsa (4 dia prome cu rash aparece) te cu 4 dia despues cu e rash aparece.

Tin algun cosnan cu por ser haci pa reduci e risico di transmiti of contagia cu Sarampi.

• Tosa of nister den papel of haci esaki den elleboog;
• Tira papel uza mesora den baki sushi;
• Laba man frecuentemente cu awa y habon;
• No comparti cups, cuchiu cu forki, serbete, paña of cama.

Sarampi por conduci na complicacion serio si e plama pa otro partinan di curpa manera pulmon y celebro.

Complicacionnan cu por surgi ta:

• Pulmonia;
• Meningitis;
• Cieguedad;
• Ataca.

Muchanan no vacuna, hende muhe  na estado of esnan cu un sistema immunologico comprometi (debil) ta esnan mas vulnerabel pa desaroya complicacion.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.