Ceremonia di naturalisacion februari 2024
ORANJESTAD - Diaranson anochi 21 di februari 2024 a tuma luga un ceremonia di naturalisacion den hardin di Cas Ceremonial di Gobernador.
E naturalisadonan a huramenta of haci promesa den presencia di Gobernador di Aruba, Su Excelencia Alfonso Boekhoudt.
Cu esaki nan ta hura of declara y priminti di ta respeta tur libertad, derecho y obligacion cu ta pertenece na e nacionalidad Hulandes.
Participacion na e ceremonia di naturalisacion ta e ultimo parti obligatorio di un proceso largo cu ta conduci na obtene e nacionalidad Hulandes. E procedura pa haya nacionalidad Hulandes via opcion of naturalisacion ta inclui den ‘Rijkswet op het Nederlanderschap’.
Por haya mas informacion riba https://www.rijksoverheid.nl (busca nederlander worden) of riba e website di Gabinete di Gobernador di Aruba: www.gobernadoraruba.com.
Potretnan: © 𝘒𝘢𝘣𝘪𝘯𝘦𝘵 𝘎𝘰𝘶𝘷𝘦𝘳𝘯𝘦𝘶𝘳 𝘈𝘳𝘶𝘣𝘢