Agroforesteria sintropico ta e integracion intencional di mata den sistemanan di cultivo di cosecha y cria di bestia pa crea beneficio ambiental, economico, y social.

E iniciativa aki tin como meta pa educa e siguiente generacion riba e balor di agricultura sostenibel mientras ta

promove un interes den sector primario. Muchanan ta haya e oportunidad pa siña tocante agricultura sostenibel, uzando tecnicanan di agroforestry pa mehora e calidad di e suelo y elimina e necesidad di pesticida.

Scolnan por registra via e link aki te cu 15 di november 2023. A manda un carta na directiva di e scolnan basico cu mas detaye relaciona cu e proyecto di agroforesteria sintropico. Lo selecciona 10 scol segun algun criteria specifico manera motivacion, tereno disponibel cu acceso na awa y coriente, y compromiso di scolnan. 

Aruba ta enfrentando retonan relaciona cu su dependencia riba importacion cual ta haci e pueblo vulnerabel pa influencianan externo y fuera di nos control. E cambionan economico y aumento den costo di bida e ultimo añanan a inicia un combersacion tocante e importancia di siguridad alimenticio.

Ministerio di Naturalesa ta traha hunto Santa Rosa y Living Soil pa duna scolnan guia y sosten di material pa por crea plantacion di mata riba nan tereno. Ademas, personal di scol y boluntarionan lo ricibi training tocante e tecnicanan di agroforestry, mantencion y cuido di e plantacion di mata, como tambe e integracion di esaki den e curiculo escolar.

Ehecucion  di e proyecto, cuminsando lo cuminsa na januari 2024.