Cambia, revoca of cancela clase di marca

Si bo kier anula e clase di marca den cua bo marca ta registra, bo por haci un peticion pa esaki na Oficina di Propiedad Intelectual. Expansion di e producto y/of servicio of clase no ta posibel. Cambio di clase ta solamente posibel prome cu registracion di un marca (wak e termino aki bao).Ta posibel si, den caso cu ta trata di un producto of servicio nobo, pa entrega un peticion nobo pa registra e marca pa e producto nobo. 

Unda pa pidi'e? / Mas informacion na

Oficina di Propiedad Intelectual 

Kico mi tin di hiba cu mi?
  • Peticion pa cambio di clase, revocacion of cancelacion;
  • Prueba di identificacion valido, esta paspoort, cedula of rijbewijs.
Cuanto e ta costa?

E costo pa anula y cambia e clase di marca ta:

  1. Cambio di clase denter di cinco dia di trabou despues di a entrega  e peticion pa inscripcion den caso cu ta sigui e procedura normal                                                                      
    Awg. 25,-;
  2. cambio di clase denter di un dia di trabou, despues di entrega e peticion pa inscripcion den caso cu ta sigui e procedura rapido                                                                      
    Awg.  35,-;
  3. revocacion di un clase/producto of servicio prome cu registracion 
    Awg.  10,-;
  4. cancela un clase despues di registracion                 
    Awg.  25,-;
  5. Cancela un clase despues di publicacion                  
    Awg. 35,-.

Ademas di e sumanan indica bao a y b mester paga tambe pa e clase mes, den caso cu ta trata di pone mas clase acerca. Pa loke ta trata cancela clase por pidi un prueba nobo. Den e caso aki mester paga e suma stipula bao di copia y prueba.         

Cuanto tempo ta dura pa hay'e?

Dos siman