E Virtual Business Matchmaking lo tuma luga dia 9 di november 2023 na Kamer van Koophandel (KvK) y ta cuminsa 10:00 am. E evento aki ta organisa den un colaboracion entre Ministerio di Asunto Economico y KvK.

Despues di a mira e potencial comercial durante e Trade Mission na Colombia e aña aki, a fortifica e vision mas aun, pa enfoca riba establece y fortalese laso comercial cu nos paisnan bisiña, pa cual Venezuela tambe tin oportunidad. E intencion ta pa trece exportadonan Venezolano, specialmente den e industria di alimentacion y material di construccon den contacto cu importadonan local. Gobierno ta mira espacio pa stimula y facilita hacimento di negoshi entre Aruba y Venezuela ya cu esaki ta na beneficio di e consumidor cu posiblemente por beneficia di miho prijs, of mas variedad y disponibilidad di producto.

“Colaboracion entre partners den region na beneficio di nos comerciantenan y consumidor ta keda un prioridad”. Lamentablemente nos a wak prijs di producto di alimentacion y construccion subi e ultimo lunanan y esaki ta un manera pa trece miho prijs pa nos cuidadanonan. Gobierno ta gradici Sr. Gavril Mansur y Camara di Comercio pa ta un partner importante pa logra realisa e evento aki, un muestra di e potencial di colaboracion entre sector priva y gobierno.

Pa mas informacion di e Virtual Business Matchmaking, tuma contacto KvK of manda un email na info.minezcdo@gobierno.aw. Ta recomenda tur participante pa registra.