Camara di Comercio recientemente a firma Reglement van Orde nobo

Camara di Comercio – Kamer van Koophandel (KvK) ta un instituto importante den e economia di Aruba. Minister di Asuntonan Economico,  Comunicacion y Desaroyo Sostenibel sr. Geoffrey Wever, conhuntamente cu presidente di Camara di Comercio, sr. Gavril Mansur, a firma e Reglement van Orde nobo den presencia di e director di Camara di Comercio, Sr. Martijn Balkenstein.

E Reglement van Orde ta stipula con KvK ta organisa, su representacion, e comisionnan cu e tin, como tambe

obligacionnan legal y financiero, y finalmente con e ta funciona dentro di Aruba su economia.

Camara di Comercio ta un partner importante pa Gobierno di Aruba cu tin un colaboracion estrecho, entre otro ora ta trata di proyectonan cu tin impacto riba nos economia. Regularmente Gobierno ta reuni y discuti cu Camara di Comercio riba desaroyonan economico y pasonan pa sigui mehora.

Gobierno ta gradici e ekipo completo y bestuur di Camara di Comercio pa nan trabou, cumpliendo cu un rol importante pa organisa comercio na Aruba y esfuersonan continuo conhunto pa progresa e clima empresarial di Aruba.