A organisa e bishita den conexion cu Prinsjesdag, e apertura oficial di aña parlementario na Hulanda. E Gobernador tabata presente den Teatro Real na Den Haag, na unda e Rey a sostene e Discurso di e Corona.

Durante e bishita a dedica atencion particular na e aña di Conmemoracion di e pasado sclavitud.

Den e Museo di Reino na Amsterdam e Gobernador a haya un recorido pa mira un parti di e coleccion cu tin un sentido particular den relacion cu e pasado sclavitud.

Tambe e Gobernador tabatin un reunion cu e intendentenan di e Museo Nacional di Sclavitud.

Diabierna dia 15 di september e Gobernador a bishita Su Mahestad, Rey Willem Alexander na Paleis Huis ten Bosch.

Banda di esey e Gobernador tabatin diferente reunion entre otro cu minister-president Mark Rutte, e minister di Enseñansa, Cultura y Ciencia, Robbert Dijkgraaf, e minister di Husticia y Seguridad, Dilan Yeşilgöz-Zegerius y e Secretario di Estado di Cultura y Media, Gunay Uslu.

Tambe a ser uza e bishita di trabao pa tene un reunion cu e Gobernadornan di Corsou y Sint Maarten y cu e Secretario di Asuntonan Interior y di Reino, Alexandra van Huffelen y a reuni cu e vice-president di Raad van State di Reino, Thom de Graaf y e staatsraad di e Reino pa Aruba, Mildred Schwengle. Banda di esey a haci bishitanan na Hulanda, entre otro na e Centro di Informacion di Patrimonio Inmaterial di Hulanda (KIEN).

Durante biahe di Gobernardor Boekhoudt, Gobernador Interino, Su Excelencia Agustin Vrolijk, a keda encarga cu su tareanan.

Potretnan: © Kabinet Gouverneur Aruba