Bezwaarschrift (carta di obhecion) ambtenaar
Mester entrega e carta di obhecion dentro di trinta (30) dia despues di e dia riba cual a tuma e decision, e acto a tuma lugar of a nenga e peticion. Ta considera cu gobierno a nenga di tuma un decision of di actua, si dentro di e termino stipula y na unda cu no tin un tempo stipula, dentro di un tempo rasonabel, no a tuma un decision of no a actua mientras cu tabata su obligacion. Den e caso ey e termino di trinta (30) dia ta cuminsa core for di e dia cu ta considera cu a nenga e peticion.