Beslag ehecutabel bao di tercera persona of beslag di tercera persona (en general)

Por pone beslag ehecutabel di tercera persona riba:

• demanda c.q. claim cu debedo tin;
• demanda c.q. claim cu debedo lo haya directamente for di un relacion
  huridico cu ya ta existi caba durante e tempo cu beslag ta tuma luga;
• propiedad mobil cu ta pertenece na dje y cu ta den man di un tercera persona y cu no ta pertenencia registra.

Beslag ehecutabel di tercera persona den asuntonan tocante mantencion y pago pa famia (su mantencion)

Por pone e beslag riba salario of otro pago periodico cu debedo ta haya di un tercera persona y por ponele:

• pa haya un pago pa mantencion of den forma di un provision (yudansa) temporario ora ta trata di un caso di divorcio (cu ta inclui
  debe pa e cuido y educacion di un menor);
• pa haya un pago, cu e casa debe.

Beslag ehecutabel di tercera persona cu ta concerni e derecho for di un contrato di seguro di vida

Por pone beslag ehecutabel di tercera persona riba e derecho di debedo, como asegurado, cu ta sali di of ta para den su contrato di seguro di bida.

Beslag ehecutabel bao di e creditor (esun cu nan debe placa) mes

Un creditor por pone beslag riba:

• e demanda/claim cu debedo tin riba dje;
• e demanda/claim cu debedo lo haya directamente for di un relacion huridico cu ya ta existi caba tempo cu e beslag a tuma luga;
• e propiedadnan mobil cu ta pertenece na e debedo cu ta den su poder y cu no ta pertenencia registra.