Un di e puntonan di accion cu a sali di e reunion tabata cu DOW ta comprometi pa aloca mas ploeg y lo uni efectivamente na e "meldingsysteem" di FIXI. Esaki ta yuda pa atende cu e kehonan na un manera mas eficiente y rapido.

FIXI ta un aplicacion cu a lansa aña pasa na fin di october pa asina empodera comunidad, cu mira algo cu ta robes, pa nan por raporta esaki y tin e siguransa cu e raportahe ta yega na e instancia concerni. Riba e plataforma di FIXI, e ciudadano por entrega keho di e.o. dump ilegal, holo malo, hende cu ta tira sushi for auto etcetera.

Gobierno di Aruba ta prepara pa atende cu e reto di desperdicio pero e lucha no ta di gobierno so. Nos ta invita comunidad completo pa haci uzo di e aplicacion FIXI si tin cualkier keho cu ta desea di alerta e departamentonan di BCI, Santa Rosa, Directie Natuur en Milieu (DNM), Serlimar y DOW.

E aplicacion ta yuda tambe pa colecta dato unda por monitor y mehora e informacion comparti entre e departamentonan.

E datonan ta garantisa cu ta midi y evalua corectamente e esfuersonan pa e maneho, cual ta permiti pa tuma miho decision y ahusta e strategia ora ta necesario. Por asigna mas ploeg na cierto bario of involucra Korps Politie Aruba(KPA) pa control si acaso mester parti boet.

Por download e FIXI app gratis riba www.fixi.aw of via App Store y Google Play. Por uza e website tambe pa duna keho.