Ta importante pa comunidad duna un man y yuda reduci e cantidad di sangura adulto:

Con ta preveni criadero di sangura?

1. Deshaci, tira afo, of warda tur obheto cu por retene awa paden y rond di cas, scol, trabou etc. Por ehempel scoter bou mata, taira, coy hunga pafo, vaas cu mata of flor.
2. tapa hemchi bao airco, bari, baki of regenbak cu awa para cu ta uza pa e.o pa muha mata of duna bestia tur dia.
3. controla regularmente awa pa planta of duna mascota por ehempel vaas cu mata of flor, baki awa di bestia, plas etc.
4. si tin molester di sangura y no por haya e criadero, por yama e seccion di Servicio di Combati Sangura (Gele Koorts en Muskieten Bestrijding - GKMB) di Departamento di Salud Publico (DVG) pa por haci un inspeccion.

GKMB ta inspecciona riba tereno publico pa awa para cu por bira un criadero di sangura manera entre otro riolering, fontein den centro di ciudad, dump y mas. E accionnan aki ta necesario pa disminui e oportunidad pa e sangura adulto por pone su webonan y asina nos ta reduci e cantidad di sangura cu ta broei riba nos isla. Mas nos reduci e cantidad di sangura mas chikito e riesgo di un brote di Dengue na Aruba.

Con ta preveni dengue?

• Bista paña cu man y pia largo durante e oranan di atardi pa anochi;
• uza repelente contra sangura riba cuero;
• uza mecha of bela contra sangura pafo di cas;
• cera porta y bentana di cas prome cu bira scur of uza screen;
• evita di bishita sitionan cu hopi sangura;
• spuit paden di cas, camber, oficina y areanan cu bo ta frecuenta cu producto pa mata sangura.

Pa mas informacion like nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.