AZV ta aumenta "daggeldvergoeding" pa pashent den exterior
ORANJESTAD – Recientemente, AZV a haci cambio den nan aporte financiero pa pashentnan cu mester bay den exterior pa cuido medico.
Entrante 1 di september 2023, e siguiente cambionan lo drenta na vigor;
- E aporte financiero pa pashent, cu tabata $15, ta bira $25 (pa dia den exterior).
- E aporte financiero pa Hulanda cu tabata €20, ta bira €30 (pa dia den exterior).
Banda di esaki, e aporte financiero propio di e acompañante di e pashent den exterior ta reduci di 150 florin pa 75 florin pa su ticket.
E cambionan aki lo trece un alivio financiero pa e aseguradonan den e momentonan di reto di salud pa cual nan ta ser manda den exterior.
Ban sigui enfoca riba mehora nos salud, haci movecion diario y come saludabel.