Aviso di Vacatura

Como dunado di trabao bo por pone aviso di vacatura y busca e confirmacion cu bo a entrega un formulario di aviso di vacatura.

Unda pa pidi'e? / Mas informacion na

Seccion departamento Jobcenter na Departamento di Progreso Laboral.
Tambe por download un formulario di aviso di vacatura aki bao of por pasa busca un copia na loket di Departamento di Progreso Laboral.

Pa entrega formulario di aviso di vacatura y/of busca e confirmacion di e vacatura  (confirmacion cu a ricibi e formulario di aviso di vacatura) tin cu traha un cita. 

Kico mi tin di hiba cu mi?

Ora pasa busca confirmacion di vacatura mester trece copia di e formulario di aviso di vacatura hunto cu e formularionan concerni. Riba e formulario di aviso di vacatura ta haya un checklist (lista di rekisito) di loke mester trece cu bo.

Kico ta e condicionnan?

Riba e formulario di aviso di vacatura tin e condicionnan cu mester cumpli cu ne ora di entrega un formulario di aviso di vacatura

Condicionnan cu mester cumpli cune na momento di presenta un formulario di aviso di vacatura.

  • copia di extracto Camara di Comercio (no mas bieu cu 3 luna);
  • carta di autorisacion di director di empresa;
  • copia cedula di director di empresa y di esun cu ta entreg'e
  • formulario di aviso di vacatura;
  • copia formulario manpowerplanning;
  • copia formulario di aviso di vacatura.

Cuanto e ta costa?

No tin gasto envolvi.

Cuanto tempo ta dura pa hay'e?

E procedura por dura 6 siman, pero dependiendo di circunstancianan e por tarda mas.