Autorisacion pa biaha cu menor pa exterior

Bo ta biaha cu un mucha menor di 18 aña pa exterior?

Bo mester di permiso di tur persona cu tin tutela riba e mucha.
Usualmente ta e mayornan of voogd.

Cu e formulario Toestemming reizen met minderjarig kind (Permiso pa biaha cu un menor) bo por demostra cu bo tin permiso pa biaha cu e menor na immigracion (control di frontera). 

Unda pa pidi'e? / Mas informacion na

Na Inmigracion Aruba

Por download e formulario pa permiso pa biaha cu menor aki.

Con mi tin di pidi'e? / Kico mi tin di hasi?

Por download y yena e formulario pa permiso pa biaha cu menor aki.

Kico mi tin di hiba cu mi?

  • Formulario completemente yena;
  • Copia paspoort esun cu ta duna permiso (mayor);
  • Copia paspoort acompañante;
  • Copia paspoort mucha;
  • Si ta aplicabel, copia permiso valido;
  • Si ta aplicabel, copia gezag register;
  • Copia pasashi di regreso.

Mester trece e formulario yena aki na oficina principal di Inmigracion Aruba hunto cu tur e rekisito nan pidi riba e formulario pa control y stempel.

Esaki ta tuma lugar unicamente na nan oficina principal situa na J.G. Emanstraat 39 (pariba di Aruba Experience Cafe).