Autor Julien Ignacio ta presenta 3 buki, ‘Goudjakhals’, ‘Kus’ y ‘Dat wij zongen’.

E presentacion ta tuma luga dialuna dia 25 di november pa 5 or. Un invitacion ta bay pa un y tur.

Julien Ignacio (1969) ta skirbi y publica, entre otro, storia cortico, articulo, novela y texto pa teatro. Ignacio a studia ciencia di literatura y a traha como docente y e ta redactor na Hulanda.

‘Goudjakhals’ ta un coleccion di storia di migrantenan cu ta laga nan bos resona. Cada bos ta un buskeda personal pa libertad y ta duna un cara na e hendenan cu ta purba di establece nan mes den un pais stranhero. E storianan ta hiba e lesador na diferente pais, situacion y personahe den tur tempo. ‘Kus’ ta un novela cu ta trata di un tata cu ta haya contacto bek cu su yiu despues cu esaki a sufri un caida lamentabel y a bay den coma. ‘Dat wij zongen’ ta un antologia di storia di binti autor Caribeño contemporaneo. Storianan tocante autornan Caribeño di epocanan anterior cu nan ta admira y cu a inspira nan. E ultimo publicacion Ignacio a produci hunto cu Raoul de Jongh y Michiel van Kempen.