Aruba preparando pa celebracion Dia Nacional
ORANJESTAD – E celebracion di e Dia Nacional di Aruba, Dia di Himno y Bandera lo tuma luga dia 17 y 18 di maart proximo.
E manifestacion cultural ta cuminsa dialuna 17 di maart na Plasa Libertador Betico Croes for di 7:30 PM te cu 10:30 PM. Lo tin bendemento di cuminda, artesania, buki, presentacion di baile, musica y canto di artistanan local.
Diamars 18 di maart lo cuminsa e ceremonia protocolar y desfile di gruponan uniforma na Plasa Betico Croes cuminsando pa 8.30’or di mainta.
Durante henter dia lo tin actividadnan cultural, social y deportivo den tur districto di Aruba pa celebra e Dia Nacional di Aruba.
Calendario di evento Himno y Bandera 2025
| Calendario di evento Himno y Bandera 2025 | |||
| Fecha | Evento | Orario | Luga |
| 12 di maart | Poeta di Patria | 7.00 pm – 10.00 pm | Museo Historico Fort Zoutman |
| 14 di maart | Un canto pa Aruba su Himno y Bandera Festival Infantil | 6.00 pm – 11.30 pm | Plasa Libertador G.F. “Betico” Croes |
| 15 di maart | Un canto pa Aruba su Himno y Bandera Festival Hubenil | 6.00 pm – 11.30 pm | Plasa Libertador G.F. “Betico” Croes |
| 16 di maart | Un canto pa Aruba su Himno y Bandera Festival Adulto | 6.00 pm – 11.30 pm | Plasa Libertador G.F. “Betico” Croes |
| 17 di maart | Manifestacion cultural | 7.30 pm – 10.30 pm | Plasa Libertador G.F. “Betico” Croes |
| 18 di maart | Ceremonia protocolar | 8.30 am – 12.00 pm | Plasa Libertador G.F. “Betico” Croes |