Aruba premia pa su esfuersonan haci pa conserva su herencia cultural y haci esaki accesibel pa henter mundo
ORANJESTAD – Aruba a ricibi e 'Internet Archive Hero Award 2024' na e headquarters di 'Internet Archive' na San Francisco, California. E premiacion ta resultado di e esfuersonan cu e partnernan di Coleccion Aruba a haci pa digitalisa Aruba su herencia cultural.
Door di e digitalisacion Aruba su herencia cultural ta accesibel na tur cu ta interesa pa
haya sa mas di e historia y cultura di Aruba. Coleccion Aruba ta consisti di 13 organisacion cu ta maneha herencia cultural y documental di Aruba, sostene pa partnernan strategico. Coleccion Aruba ta disponibel riba e websitewww.coleccion.aw.
Aki pueblo por busca den mas di 150 mil items di Aruba su historia y cultura. Tin informacion cu ta 200 aña bieu, te na un grabacion di e programa musical Showtime di e decada 80 y 90. Tur esaki por mira ariba coleccion.aw.