Aruba a destaca su compromiso pa e industria crucero durante di Seatrade Cruise Med 2024

Aruba hunto cu otro destinacio Caribense a uni cu un stand cu a haya hopi atencion durante di e feria ‘Caribbean Village’.

Seatrade Cruise Med, un evento cu ta tuma lugar cada pasa un aña, ta un conferencia y feria di comercio principal, unda miles di partner internacional importante manera lineanan crucero, waf, destinacion, y proveedor di servicio di e industria global di crucero ta bin hunto. E aña aki na Málaga a presenta un programa extenso di conferencia, exhibicion y tayer den cual a enfoca riba topiconan cardinal di e industria, entre otro, sostenibilidad, innovacion y tecnologia, y mehoracion di experencia di e huesped. A organisa Seatrade Cruise Med den e mesun temporada cu a celebra ‘Cruise Days Málaga’, amplificando mas ainda e importancia di e evento y resaltando e rol di e ciudad como un hub di crucero principal den e area Mediterraneo.

Cu continuadad di participacion na Seatrade Cruise Med, Aruba ta keda forma parti di un plataforma prestigioso cu ta fortalece e relacion den e industria crucero. Un evento cu ta brinda espacio pa reuni cu lineanan di crucero y partnernan clave den e industria, cu enfoke riba colaboracion y futuro oportunidad pa Aruba bira un destinacion crucero lider den Caribe.