Anouk Eman elegi como Miss Universe Aruba
ORANJESTAD – Riba 10 di augustus 2024 a tuma luga eleccion di Miss Universe Aruba den cual 6 hoben a competi pa e titulo maximo di beyesa na Aruba.
E anochi a cuminsa cu presentacion di e candidatanan den trahe di baño, sigui pa un desfile den trahe formal y a finalisa cu e ronda di pregunta. Despues di e parti di premiacion di e candidatanan a sigui e momento culminante di e anochi na unda a anuncia a e dos finalistanan di e certamen den persona di Giuila Brezovar y Anouk Eman.
E titulo maximo di Miss Universe Aruba a bay pa srta. Anouk Eman.
Hunto cu Minister di Transporte, Integridad, Naturalesa y Asunto di Adulto Mayor, Ursull Arends, a toca honor na Minister di Finansa y Cultura Xiomara Maduro pa haci e acto di coronacion.
Minister Maduro ta felicita srta. Anouk Eman y ta dese'e hopi exito pa representa Aruba na e certamen di Miss Universe na Mexico. E mandatario ta felicita y gradici tambe e organisacion di Miss Universe Aruba y tur e participantenan pa nan bunita presentacion.