Señora Flanegin lo asumi e cargo di Procurador General despues cu señor Bote Ter Steege retira como Procurador General. Diaranson 12 di juli 2023, señora Flanegin y señor Ter Steege a reuni cu Gobierno na unda cu

a trata diferente tema.

Señora Amalin Flanegin despues di a caba su estudio na Colegio Arubano, VWO (1974-1980), a obtene su ‘kandidaatsbul’, ‘Bachelor’s Degree’ na Universidad di Antia Hulandes na 1982, (1980-1982), despues na Leiden State University na Hulanda, (1982-1986), a obtene su ‘doctoraal bul’, ‘Master’s Degree’, december, 1986. Na juni 1987, señora Flanegin a obtene su ‘Notorial Law, Candidate Notary, ’Doctoral bul’, Master’s Degree na Leiden State Universitiy (1985-1987).

E carera profesional di señora Amalin Flanegin ta impresionante:

• 1987 - 1992: Abogado legislativo na Departamento di Legislacion y Asunto Huridico (DWJZ).
• 1992 - 1994: Secretaria Adhunta di Raad van Advies.
• 1994 - 1996: Oficial Hudicial den formacion den Corte di Husticia.
• 1996 - 2002: Director di MOT y encarga pa set up e departamento completamente.
• 2002 - 2007: A dirigi varios investigacion criminal entre otro di abduccion, ladronicia, asesinato, fraude y labamento di placa na Ministerio Publico di Aruba y tawata encarga cu investigacion militar, di Coast Guard, di Financial Investigacion Unit di Cuerpo Policial di Aruba (BFO) y MOT, cu awo a bira FIU-Aruba.
• 2007 - 2011: Abogado na Juridische Praktijk Mr. A.Flanegin N.V., NMI mediator y tawata duna lectura na Universidad di Aruba y training riba proceduranan di AML/CFT na banconan local.
• Maart 2012: Division Manager Supervision and Enforcement and Advisor pa e Comite Ehecutivo di Banco Central di Aruba (CBA) y ta na encargo di diferente departamento di CBA.
• 2022: Certified Anti-Money Laundering Specialist.

Gobierno di Aruba ta desea señora Amalin Flanegin hopi exito den su funcion nobo como Procurador General pa nos pais y tambe ta desea señor Bote Ter Steege exito den su futuro carera.