Aclaracion general Decreto Nacional proteccion flora y fauna local

Aclaracion general

1. Introduccion

Aruba ta un pais cu poblacion halto (cifra 2014: 614 habitante pa kilometer cuadra), y ademas e ta un destinacion turistico bon bishita (alrededor di 1 miyon de bishitante pa aña, "stayovers and cruise”, Fuente: CBS). Esaki ta nifica cu presion riba e sistema ecologico di Aruba ta grandi. Basa riba articulo 4, inciso 1 di Ordenansa di Proteccion di Naturalesa (Natuurbeschermingsverordening - AB 1995 no. 2) por nombra via Decreto Nacional flora y fauna local (autoctono) cu ta confronta peliger di extincion na Aruba. Basa riba e di dos inciso di e articulo aki por nombra tambe flora y fauna cu ta considera valioso pa Aruba (bou a) como tambe flora individual cu for di punto di bista di proteccion di naturalesa tin nan balor pa Aruba (bou di b). E Decreto Nacional aki ta fortifica loke ta menciona ariba.

Ademas, e Decreto Nacional aki ta pa fortifica e efectuacion di revocacion di e Marien milieuverordening (Ordenansa medio ambiente marino). Articulo 3 y 5 di Marien milieuverordening tabata protegi, entre otro tortuga y pisca di coral. Nan proteccion ta continua pero basa riba articulo 4, inciso 1, di Natuurbeschermingsverordening na momento cu esaki drenta na vigor.

Ta anticipa cu impacto financiero di e Decreto Nacional aki ta limita. Un parti di flora y  fauna ya caba tabata protegi bou dje Marien milieuverordening, kiermen por papia di continuacion dje situacion existente. Guarda Costa (Kustwacht), hunto cu Cuerpo Policial, ya ta mantene legislacion vigente pa loke ta trata lama y beachnan. Sinembargo, te cu awe, autoridad local casi no tin tarea pa loke ta trata proteccion di flora y fauna local. Tin cu apunta tanto park ranger cualifica como inspector di Departamento di Naturalesa y Medio Ambiente (den resto di texto DNM) como supervisor y funcionario encarga cu investigacion (opsporingsambtenaren) autorisa.

Pa DNM e impacto financiero di decreto nacional ta relaciona cu personal necesario, medio di transporte, educacion pa personal y informacion na publico. Pa loke ta trata personal ainda falta pa yena e vacaturanan, cu ya caba ta presupuesta anualmente.  Pa loke ta trata medio di transporte necesario, actualmente tin un auto, pero (riba termino mas largo) mester di por lo menos dos auto pa por cumpli cu un control efectivo. Pa loke ta concerni personal di Departamento di Inspeccion tin cu remarca cu nan tin cu sigui curso riba tereno di vigilancia y investigacion (toezicht en opsporing) na scol di Polis. DNM a reserva recurso pa esaki. Ademas DNM tin recurso limita pa loke ta trata forma tradicional di duna informacion na publico, pero door di uzo efectivo di otro alternativa manera cooperacion cu Servicio Informativo di Gobierno, Facebook, Internet, etc., y cooperacion cu otro instancia manera IPA (yudansa di stagiaires), por informa publico den un forma mas amplio.

2. Sistematica di e Decreto Nacional

Articulo 1 tin cuater categoria bou di cua ta cay diferente especie di flora y fauna cu mester di proteccion. Loke tur e categorianan tin en comun ta cu nan ta inclui flora y fauna cu por haya den naturalesa na Aruba (autoctono, pues cu solamente ta existi na Aruba) y cu nan existencia ta na peliger. Sin embargo a scoge pa categorisa nan, ya cu e fuente cu a uza pa incorpora nan den articulo 1, ta varia. Siguidamente ta splica cada categoria segun articulo, cu excepcion di e especienan cu ta aparece den parti b di articulo 1. Di e ultimo parti aki ta duna un splicacion di cada especie y ta menciona cual estudio/fuente ta nombra e especie aki como scars y consecuentemente su existencia ta na peliger. Den anexo dje documento aki tin un referencia na e estudionan. Algun di e estudionan ta data for di basta tempo y comokiera cu for dje tempo ey poblacion a sigui crece so y tambe por ehempel construccion na Aruba a sigui aumenta, por conclui sin problema cu e resultado dje estudionan aki ainda ta valido y relevante.

Den caso cu por hinca un especie bou di diferente categoria lo scoge semper pa hinca e especie concerni bou di e prome categoria cu ta disponibel y no bou di tur categoria cu ta disponibel. Por ehempel un especie cu por cay bou dje categoria especie local, pero e ta aparece tambe den anexo di e Acuerdo, lo hinca e especie concerni solamente bou di especie local y no (atrobe) bou di categoria anexo dje Acuerdo.

3. Conseho di Comision proteccion Flora y Fauna

A entrega e decreto nacional concerni na e Comision proteccion flora y fauna (lo referi na dje como Comision den resto di texto). E comision a duna conseho riba 3 di augustus 2010 (cu referencia F&F 001/10). Basa riba e conseho aki a haci cambio notabel den nombracion di especie di pisca. Demas recomendacion dje comision no ta relaciona cu e contenido dje decreto aki.

Splicacion segun articulo

Articulo 1

Bou seccion a ta cay tur especie cu solamente por haya na Aruba y cu tin un habitat hopi limita, nan ta hopi vulnerabel. Si nan caba, pues stop di existi na Aruba, di biaha nan ta caba como especie mundialmente tambe. Pues Aruba tin un responsabilidad grandi den esaki. Den e categoria aki ta cay entre otro Shoco, cu mientrastanto ta un simbolo nacional di Aruba.

Bou seccion b ta cay flora y fauna cu ta scars. Bou di scars ta cay tambe especie di flora y fauna cu den pasado tabata existi na Aruba, pero cu ya pa varios aña no a señala nan mas na Aruba. Probablemente e flora y fauna concerni a disparce, pero si bolbe wak por ehempel e Lora, e ora di biaha su proteccion ta bon regla. Siguientemente ta indica cada bes e fuente, for di cual por sac’afo cu ta trata di un especie local scars.

Fuente di especie flora scars na Aruba

  1. Especie: Cynanchum boldinghii - Mari di Palu (Structuurnota Natuur en Landschap 1996 Bijlage A Flora soortenlijst Pagina A - 1)
  2. Especie: Pluchea carolinensis (Structuurnota Natuur en Landschap 1996 Bijlage A Flora soortenlijst Pagina A - 1)
  3. Especie: Bromelia humilis - Teco (Structuurnota Natuur en Landschap 1996 Bijlage A Flora soortenlijst Pagina A - 2)
  4. Especie: Bursera simaruba - Palisia Cora (Structuurnota Natuur en Landschap 1996 Bijlage A Flora soortenlijst Pagina A - 2 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  5. Especie: Pereskia guamacho - Azufro (Structuurnota Natuur en Landschap 1996 Bijlage A Flora soortenlijst Pagina A - 2 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  6. Especie: Capparis flexueosa - Stoki / Mosterd (Structuurnota Natuur en Landschap 1996 Bijlage A Flora soortenlijst Pagina A - 2 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  7. Especie: Crataeva tapia - Giron (Structuurnota Natuur en Landschap 1996 Bijlage A Flora soortenlijst Pagina A - 2 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  8. Especie: Morisonia americana - Bushicuri (Structuurnota Natuur en Landschap 1996 Bijlage A Flora soortenlijst Pagina A - 2 / Van Proosdij 2012 / Van Perk 1997 Tabel 4.1 Overzicht van alle zeldzame boomsoorten van Aruba Pagina 28)
  9. Especie: Maytenus sieberiana - Palo di Colebra (Structuurnota Natuur en Landschap 1996 Bijlage A Flora soortenlijst Pagina A - 2)
  10. Especie: Cakile lanceolata (Structuurnota Natuur en Landschap 1996 Bijlage A Flora soortenlijst Pagina A - 3)
  11. Especie: Ceratosanthes palmata - Batata di zumbi (Structuurnota Natuur en Landschap 1996 Bijlage A Flora soortenlijst Pagina A - 3)
  12. Especie: Geoffroea spinosa - Taki (Structuurnota Natuur en Landschap 1996 Bijlage A Flora soortenlijst Pagina A - 4 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  13. Especie: Ficus brittonii - Mahawa (Structuurnota Natuur en Landschap 1996 Bijlage A Flora soortenlijst Pagina A - 5 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  14. Especie: Guapira fragrans (Structuurnota Natuur en Landschap 1996 Bijlage A Flora soortenlijst Pagina A - 5)
  15. Especie: Guapira pacurero - Macubari (Structuurnota Natuur en Landschap 1996 Bijlage A Flora soortenlijst Pagina A - 5)
  16. Especie: Schoepfia schreberi - Mata Combles (Structuurnota Natuur en Landschap 1996 Bijlage A Flora soortenlijst Pagina A - 5 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  17. Especie: Pithecellobium platylobum (Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  18. Especie: Brassavola nodosa - Orkidia (di mondi) (Structuurnota Natuur en Landschap 1996 Bijlage A Flora soortenlijst Pagina A - 5)
  19. Especie: Myrmecophila humboldtii / Schomburgkia humboldtii - Banana shimaron (Van Proosdij 2012)
  20. Especie: Spondias mombin (Van Proosdij 2012)
  21. Especie: Metopium brownei - Manzalinja macho / Mansaniya bobo (Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  22. Especie: Krugiodendron ferreum - Wayakito (Structuurnota Natuur en Landschap 1996 Bijlage A Flora soortenlijst Pagina A - 6 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  23. Especie: Serjania curassavica – Behuco (Klimplant) (Structuurnota Natuur en Landschap 1996 Bijlage A Flora soortenlijst Pagina A - 6 / Van Proosdij 2012)
  24. Especie: Datura stramonium - Yerba Stinki (Structuurnota Natuur en Landschap 1996 Bijlage A Flora soortenlijst Pagina A - 6)
  25. Especie: Celtis iguanaea - Beishi di Yuana (Structuurnota Natuur en Landschap 1996 Bijlage A Flora soortenlijst Pagina A - 6 / Van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  26. Especie: Trixis inula (Van Proosdij 2012)
  27. Especie: Tournefortia volubilis (Van Proosdij 2012)
  28. Especie: Capparis indica / quadrella indica - Huliba macho (Van Proosdij 2012 / Van Perk 1997 Tabel 4.1 Overzicht van alle zeldzame boomsoorten van Aruba Pagina 28)
  29. Especie: Erythrina velutina (J.P. van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  30. Especie: Crateva tapia (Van Proosdij 2012)
  31. Especie: Maytenus tetragona (Van Proosdij 2012 / Van Perk 1997 Tabel 4.1 Overzicht van alle zeldzame boomsoorten van Aruba Pagina 28)
  32. Especie: Salicornia perennis - Zeekraal (Van Proosdij 2012 / Structuurnota Natuur en Landschap 1996 Bijlage A Flora soortenlijst Pagina A - 2)
  33. Especie: Clusia rosea (Van Proosdij 2012)
  34. Especie: Convulvus nodiflorus / jacquemontia nodiflorus (Van Proosdij 2012)
  35. Especie: Ipomea incarnata (Van Proosdij 2012)
  36. Especie: Manihot carthaginensis (Van Perk 1997 Tabel 4.1 Overzicht van alle zeldzame boomsoorten van Aruba Pagina 28)
  37. Especie: Cissampelos pareira (Van Proosdij 2012)
  38. Especie: Paspalum curassavicum (Van Proosdij 2012)
  39. Especie: Condalia henriquezii (DLVV CITES Flora Uitvoeringsorgaan)
  40. Especie: Guaiacum sanctum – Wayaca shimaron (Structuurnota Natuur en Landschap 1996 Bijlage A Flora soortenlijst Pagina A - 7 / Van Proosdij 2012 / J.P. van der Perk 1997 Tabel 4.1 Overzicht van alle zeldzame boomsoorten van Aruba Pagina 28)
  41. Especie: Castela erecta (Van Proosdij 2012)

Fuente di especie fauna local na Aruba:

  1. Especie: Amazona barbadensis - Lora / Yellow-shoulderd amazon / Geelvleugel amazone (Structuurnota Natuur en Landschap 1996)
  2. Especie: Columba squamosa - Blauduif / Blaudeifi / Paloma di baranca (Structuurnota Natuur en Landschap 1996 Bijlage B Macrofauna soortenlijst Pagina B - 3)
  3. Especie: Melongena melongena - Caribbean Crown conch (Structuurnota Natuur en Landschap 1996 Pagina 9 Paragraaf 2.2.2 Binnenbaaien)
  4. Especie: Sylvilagus floridanus nigronuchalis - Conew / Conenchi (Structuurnota Natuur en Landschap 1996 Bijlage B Macrofauna soortenlijst Pagina B - 1 / Veterinaire Dienst CITES Fauna Uitvoeringsorgaan)
  5. Especie: Buteo albicaudatus - Falc / Falki / witstaartbuizerd (Veterinaire Dienst CITES Fauna Uitvoeringsorgaan)
  6. Especie: Colinus cristatus - Patrishi (Veterinaire Dienst CITES Fauna Uitvoeringsorgaan)
  7. Especie: Pleurodema brachyops - Dori (Veterinaire Dienst CITES Fauna Uitvoeringsorgaan)

Bou seccion c ta cay especie di flora y fauna cu ya ta protegi segun Marien Milieuverordening. E motibo pa e Marien Milieuverordening tabata “ter voorkoming van de uitroeiing van koralen en bepaalde zeedieren en planten”, pues pa preveni cu coral y cierto especie di bestia y mata di lama lo caba, tabata necesario pa tuma medida pa protege e especienan di bestia y mata di lama menciona den e ordenansa mes, of esnan menciona den e Decretonan Nacional cu ta basa riba e ordenansa aki.

Manera ya antes menciona, for di e tempo ey, turismo a conoce un aumento grandi, como tambe e cantidad di habitante di Aruba, cu a pone cu e presion riba ecosistema di Aruba a sigui crece so y no mester di mas estudio pa conclui cu si e medidanan e tempo aya tabata necesario, esaki actualmente tambe lo ta e caso.

Seccion D ta trata especie cu ta aparece den:

  • Anexo I di e Acuerdo, cera riba 3 di maart 1973 na Washington, cu ta trata comercio internacional den especie di bestia y mata bibo cu ta biba den naturalesa y nan existencia ta den peligro (Trb. 1975, 23) (lo referi na dje como e Acuerdo den resto di e texto).
  • E anexonan den e protocol cu a firma riba 18 di januari 1990 na Kingston tocante area special protegi y e bestia y mata cu ta biba den naturalesa cu ta pertenece na e Tratado firma riba 24 di maart 1983 na Cartagenas de Indias tocante proteccion y desaroyo di medio ambiente marino den Caribe (Trb. 1983, 152) (den resto di texto lo referi na dje como Protocol).
  • Anexo I di e Tratado di 23 di juni 1979 tocante proteccion di especie di bestia salvahe cu ta migra (Trb. 1981, 6) of cu ta riba e lista cora di e International Union for Conservation of Nature.   

Claro cu ta trata aki solamente di especie local, pues e especienan riba lista cu pa naturalesa ta biba na Aruba. Si nan ta den e anexonan di un di e tratadonan anteriormente menciona, pero nan no ta local, e ora ey unicamente stipulacion di Capitulo III ta valido. Si nan ta den e anexonan y nan ta local, e ora ey tin motibo pa hinca nan bou di e categoria aki.

Di e especienan aki ya a conclui cu ta trata di flora y fauna cu nan existencia ta na peligro, ya cu esaki tabata e motibo cu a pone nan bou di e categoria “threatened species” den e anexonan correspondiente di e tratado. Berdad ta cu en general lo no a haci un investigacion specifico pa loke ta trata e situacion di e especie na Aruba, pero Aruba ta un pais cu un superficie chikito, cu un grado di construccion halto, cu un cantidad grandi di habitante pa meter cuadra y un fluho grandi di turista pa aña.

Conhuntamente esaki ta pone presion grandi riba e sistema ecologico chikito di Aruba. P’esey por asumi sin un estudio adicional cu e especienan aki cu tin’e hopi dificil den circumstancia semehante, na Aruba lo no ta otro y pa e motibo aki mester di proteccion.

Flora y fauna cu door di e motibo aki ta aparece tanto den anexo I di e Acuerdo como den e anexonan di e Protocol y den e Decreto Nacional aki, ya caba tabata protegi segun Capitulo II di Natuurbeschermingverordening. E Decreto Nacional aki ademas lo proteha e especienan segun Capitulo II di e Natuurbeschermingsverordening. Flora y fauna cu ta aparece den e anexo I di e Tratado di 23 di juni 1979 tocante proteccion di especie di bestia cu ta migra (Trb. 1981, 6) of cu ta riba e lista cora di International Union for Conservation of Nature y ta den e Decreto Nacional aki ta proteha segun Capitulo II.

Articulo 2

Den e articulo aki tin flora y fauna cu nan existencia en berdad ainda directamente no ta core peliger, pero cu bon mira ya mester di proteccion pasobra como tal ta considera nan valioso. Ta considera e especienan aki como “keystone species”. National Geographic ta defini ”keystone species” como lo siguiente: “A keystone species is a plant or animal that plays a unique and crucial role in the way an ecosystem functions. Without keystone species, the ecosystem would be dramatically different or cease to exist altogether. All species in an ecosystem, or habitat, rely on each other. The contributions of a keystone species are large compared to the species' prevalence in the habitat. A small number of keystone species can have a huge impact on the environment”. (Kiermen un especie clave ta un mata of bestia cu tin un rol unico y crucial den e forma cu un ecosistema ta funciona. Sin e especienan clave, ecosistema lo ta drasticamente diferente y lo stop di existi totalmente. Tur especie den un ecosistema, of habitat, ta depende un di otro. Contribucion di e especie clave ta grandi si compar’e cu e cantidad di especie aki cu ta existi den habitat. Un cantidad chikito di especie clave por tin un impacto inmenso riba medio ambiente).

Cu un flora y fauna asina ta imporante pa ecosistema, ta basa riba dos punto di salida:

1. Cuminda valioso pa especie (protegi)

Importante den e caso aki ta cu e especie cu mester di protección, pa gran parti ta e fuente di cuminda pa e especienan protegi y por lo tanto nan ta hopi importante pa sobrevivencia di especienan aki. Si nan bira menos of caba, e consecuencia ta cu e especienan cu ta depende di nan pa por sobrevivi tambe lo bira menos y caba.

2. Valioso den ciclo di bida dje especie protegi

Den e caso aki a  apunta especie cu ta importante den ciclo di bida di especie protegi. Ehempel di esaki ta e raton di anochi cu ta yuda cu reproduccion di mata di cadushi y cucuisa (agaves), e mata di mangel cu ta fungi como un luga pa yiu di pisca sconde y pa nan busca y haya cuminda y como luga di broei pa parha. Otro ehempel ta entre otro e asina yama comedo di yerba, cu ta un especie cu ta come alga (yerba di lama) y asina e comedo di yerba ta evita cu e yerba di lama ta sigui crece te tapa e coralnan. Comedo di yerba ta mantene e ecosistema den balansa y ta percura pa e coralnan no caba (extingui), ta aumenta nan chens di sobrevivencia y ta preveni cu biodiversidad ta bira menos.

Akibou ta sigui un splicacion pa cada especie dicon ta consider’e un especie valioso pa Aruba:

Flora:

  1. Especie: Acanthocereus tetragonus - Cushicuri / Cadushi di colebra (E especie aki ta valioso, pa cuminda y awa durante temporada di secura, pa entre otro raton di anochi, parha, lagadishi, barbulet, abeha, maribombo y barbulet preto.)Stoki of mosterd
  2. Especie: Pilosocereus lanuginosus / Cephalocereus lanuginosus - Cadushi pushi / Breba di pushi colebra (E especie aki ta valioso, pa cuminda y awa durante temporada di secura, pa entre otro raton di anochi, parha, lagadishi, barbulet, abeha, maribombo y barbulet preto.)
  3. Especie: Conocarpus erectus – Fofoti (Ta fungi como luga pa sconde pa un grupo grandi di bestia. Diferente bestia ta uz’e pa traha neishi. E reisnan tin e funcion di fango sedimento (material cu ta cay riba suelo, manera santo y klei) y ta percura pa e stabilidad di suelo y asina evita erosion di suelo di costa)
  4. Especie: Laguncularia racemosa - Mangel Shimaron / Mangel Cora / Mangel Blanco (Ta fungi como luga pa sconde pa un grupo grandi di bestia tanto bou awa como riba awa. E reisnan ta forma tambe un criadero pa diferente pisca di coral. Esaki ta importante pa biodiversidat di e rifnan di coral. Diferente bestia ta uza e especie aki pa traha nan neishi. Bestianan feroz ta uza e habitat di e reisnan como luga pa busca y haya cuminda. E reisnan ta fango sedimento y ta percura pa e stabilidad di suelo y asina ta evita erosion di suelo di costa)
  5. Especie: Rhizophora mangle - Mangel Tam / Mangel / Red Mangrove (Ta fungi como luga pa sconde pa un grupo grandi di bestia tanto bou awa como riba awa. E reisnan ta forma tambe un criadero pa diferente pisca di coral. Esaki ta importante pa biodiversidat di e rifnan di coral. Diferente bestia ta uza e especie aki pa traha neishi y broei. Bestianan feroz (roofdieren) ta uza e habitat di e reisnan como luga pa busca y haya cuminda. E reisnan ta fungi pa fango sedimento, ta percura pa e stabilidad di suelo y asina ta evita erosion di suelo di costa. E especie  aki ta valioso tambe pa purificacion di awa yobi pa e coralnan cu tin mester di awa limpi pa por biba y crece. De Freitas 1966 ta menciona cu ademas e tin balor mescos cu un honingplant (mata di Stevia), por uza e casca di troncon como remedi y por ultimo por uz’e pa curti cuero.
  6. Especie: Avicennia germinans - Mangel Preto / Black Mangrove (Ta fungi como luga pa sconde pa un grupo grandi di bestia tanto bou awa como riba awa. E reisnan ta forma tambe un criadero pa diferente pisca di coral. Esaki ta importante pa biodiversidat di e rifnan di coral. Diferente bestia ta uza e especie aki pa traha nan neishi y broei. Bestianan feroz ta uza e habitat di e reisnan como luga pa busca y haya cuminda. E reisnan ta fango sedimento y ta percura pa e stabilidad di suelo y asina ta evita erosion di suelo di costa.)
  7. Especie: Bursera karsteniana (E mata ta valioso pa su adaptacion unico na secura. Despues cu su blaachinan cay e ta keda produci alimento cu chlorofyl cu tin den su troncon. Tambe e por warda awa yobi pa medio di un tehido di awa cu tin den su troncon y taki. De Freitas 1996, Lista di especie CITES Flora Uitvoeringsorgaan).
  8. Especie: Bursera tomentosa (E especie aki ta valioso pa su adaptacion unico na secura door di warda awa yobi den un tehido di awa cu e tin den su troncon y takinan. De Freitas 1996, Lista di especie CITES Flora Uitvoeringsorgaan).
  9. Especie: Cereus repandus - Cadushi / Breba (E especie aki ta valioso pa cuminda y awa, specialmente durante temporada di secura pa raton di anochi, parha, lagadishi, barbulet, abeha, maribombo y barbulet preto, Lista di especie CITES Flora Uitvoeringsorgaan).
  10. Especie: Melocactus X Bozsingianus – Bushi (E especie aki ta valioso como cuminda (nectar) pa entre otro Blenchi, Bananaquits y insecto, tambe e especie aki ta produci un sorto di pulpa yen cu energia cu den temporada di secura lagadishi y parha ta come,  Lista di especie CITES Flora Uitvoeringsorgaan)
  11. Especie: Melocactus stramineus – Bushi (E especie aki ta valioso como cuminda (nectar) pa entre otro Blenchi, Bananaquits y insecto, tambe e especie aki ta produci un sorto di pulpa yen cu energia cu den temporada di secura lagadishi y parha ta come, Lista di especie CITES Flora Uitvoeringsorgaan)
  12. Especie: Melocactus macracantus – Bushi (E especie aki ta valioso como cuminda (nectar) pa entre otro Blenchi, Bananaquits (Mofi y Bariga gel) y insecto, tambe e especie aki ta produci un sorto di pulpa yen cu energia cu den temporada di secura lagadishi y parha ta come, Lista di especies CITES Flora Uitvoeringsorgaan)
  13. Especie: Opuntia caracassana - Tuna Bushi (E especie aki ta valioso como cuminda (nectar) pa entre otro Blenchi, Bananaquits y insecto, tambe e especie aki ta produci un sorto di pulpa yen cu energia cu den temporada di secura lagadishi y parha ta come, Lista di especie CITES Flora Uitvoeringsorgaan)
  14. Especie: Opuntia curassavica - Sumpiña di colebra / Tuna di colebra Bushi (E especie aki ta valioso como cuminda (nectar) pa entre otro Blenchi, Bananaquits (Mofi y Bariga gel) y insecto, tambe e especie aki ta produci un sorto di pulpa yen cu energia cu den temporada di secura lagadishi y parha ta come, Lista di especie CITES Flora Uitvoeringsorgaan)
  15. Especie: Stenocereus griseus - Cadushi / Dato colebra (E especie aki ta hopi valioso pa raton di anochi, parha, lagadishi, barbulet, abeha, maribombo y barbulet preto pa cuminda y awa specialmente durante temporada di secura) Lista di especie CITES Flora Uitvoeringsorgaan)
  16. Especie: Haematoxylum brasiletto - Mata di Brasil / Brasil / Brasia / Kampeshi (E especie aki ta valioso pa historia di Aruba y comercio colonial di palo na Aruba. E especie aki tambe ta importante pa produccion di nectar pa parha y insecto, Lista di especies CITES Flora Uitvoeringsorgaan)
  17. Especie: Canavalia rosea - Boonchi di lama (E especie aki ta valioso pa tipificacion di cierto sitio y ta retene santo blanco di lama, Lista di especie CITES Flora Uitvoeringsorgaan)
  18. Especie: Thalassia testudinum (E especie aki ta valioso pasobra e ta retene e fondo di lama cu su reisnan, e ta sirbi como criadero di pisca y crustecea (kreeft, langosta, cabaron, cangrue, etc.) y como cuminda pa turtuga di lama, Lista di especie CITES Flora Uitvoeringsorgaan)
  19. Especie: Guapira pacurero (E especie aki ta valioso pa su adaptacion unico na secura door di warda awa yobi den un tehido di awa cu e tin den su troncon y takinan, Lista di especie CITES Flora Uitvoeringsorgaan)
  20. Especie: Strumpfia maritima (Van Schaik y Petrocchi 1998 ta menciona cu e ta valioso pasobra na Aruba bo ta hañe solamente na e costa ariba, Lista di especies CITES Flora Uitvoeringsorgaan
  21. Especie: Sesuvium portulacastrum - Banana di rif (E reis di e especie aki ta retene e santo blanco di lama y ta percura pa stabilidad di e beachnan, pa preveni erosion na e suela di costa)

Fauna:

  1. Especie: Lepotonycteris curasoae  - Raton di anochi / Curaçaoan Long-nosed Bat (Raton di anochi ta percura pa diferente especie di cadushi keda existi door di polinisacion. Cadushi ta florece solamente durante anochi y mainta e flor ta cera door di cual raton di anochi ta e polinisador mas importante dje flornan di cadushi. E dadel cu ta fruto dje polinisacion ta e fuente mas importante di cuminda pa diferente grupo di bestia den temporada di secura durante aña).
  2. Especie: Glossophaga longirostris  - Raton di anochi / Curaçaoan Long-nosed Bat (Door di polinisa diferente especie di cadushi raton di anochi ta percura pa e cadushinan keda na bida (existi). Flornan di cadusho ta florece solamente durante anochi y ta cera mainta, door di cua raton di anochi ta e animal mas importante cu ta polinisa di e flornan di cadushi. E frutanan cu ta fruto di polinisa ta e fuente di cuminda mas importante pa diferente grupo di animal den temporada di secura di aña).
  3. Especie: Diadema antillarum - Bushi / Long-spined black sea urchin (Keystone especie di rifnan di coral cu ta controla crecemento di alga (macro alga) riba rif y ta traha luga pa crecemento y colonisacion di coralnan nobo, e especie aki ta valioso for di punto di bista ecologico pasobra e ta alimenta su mes cu alga, cu ta crece riba rifnan cu ta competi cu coralnan pa luga disponibel)
  4. Especie: Chrysolampis mosquitus - Blenchi dornasol / Ruby-topaz hummingbird (E especie aki ta valioso como polinisado di flor. Pa sobrevivencia di diferente especie di mata, e especie aki tin un rol crucial como polinisado. Sin presencia di e especie aki, otro especie di mata lo domina den cierto ecosistema   . 
  5. Especie: Chlorostilbon mellisugus - Blenchi dornasol / Ruby-topaz hummingbird (E especie aki ta valioso como polinisado di flor. Pa sobrevivencia di diferente especie di mata, e especie aki tin un rol crucial como polinisado. Sin presencia di e especie aki, otro especie di mata lo domina den algun ecosistemanan.
  6. Famia: Scaridae - Gutu / Parrotfishes (Keystone especie di rif di coral cu ta controla crecemento di alga (macro alga) riba rif y ta traha luga pa crecemento y colonisacion di coral nobo, e especie aki ta ecologico valioso pasobra e ta come alga cu ta crece riba rif y cu ta competi cu coral pa luga disponibel), Report: Status and Trends of Caribbean Coral Reefs: 1970-2012, Author: Jeremy Jackson (IUCN/UNEP))

Fuente: Departamento di Naturalesa y medio Ambiente

Fotografo potret Sylvilagus floridanus nigronuchalis - coneu: dhr. M. Oversteegen,   
Fotografo potret Scaridae - gutu: JADS Dive Company
Fotografo potret: Capparis flexueosa - Stoki of Moster mw. O. Rasmijn StimAruba