A presenta e Toelatingshandboek 2023 na Parlamento

Hobennan cu ta na Aruba for di chikito, cu ta bay scol na Aruba pero tin status ilegal, ora cumpli 18 aña, no por continua cu scol pa falta di permiso. Awor cu e maneho nobo, e hoben por haya un permiso unda e por busca un hende conoci of un famia cu por firma pa e hoben como “verblijf bij garantsteller”.
Tin hopi caso humanitario cu mester tene na consideracion y ta rekeri evaluacion di cada caso.

Cuido di Adulto mayor
Esnan di edad halto, cu mester di cuido pero cu e pensioen no ta suficiente debi cu norma di entrada ta 2.040

florin, awor ta permiti pa un yiu of familiar para co-garante pa e empleado domestico. Den e maneho nobo, ta conta e entradanan hunto y a co-garantenan no  mester biba na mesun adres. Esaki ta facilita pa nos grandinan por tin hende pa cuidanan na cas.

Deportista|
Un deportista no ta bin haci deporte so, y cu e maneho nobo, por haya permiso pa traha y mantene su mes. Esaki ta yuda e deportista y yuda e club cu ta firma pa e persona aki.

Inversionista
Den e Handboek Toelating 2023, a baha norma di inversionista pa 150 mil florin. Pa permiso pa inversionista cu ta inverti den San Nicolas y of Oranjestad, e investeringsnorm ta cero y Gobierno ta haya cu mester stimula hende pa inverti den downtown San Nicolas como downtown Oranjestad.

A re-evalua e Handboek Toelating segun tempo a pasa y a adapt'e, refin'e, coreg'e y ahust'e pa present'e como Handboek Toelating 2023 definitivo na Parlamento.
Ministerio di Labor, Energia y Integracion ta considera e manual un "trabao den progreso" cu ta habri pa mehoracion segun e circumstancianan cu presenta.

Pa mas información por tira un vista riba e Handboek Toelating 2023 (na Hulandes).