A celebra Dia di Boneiro hunto cu Club Boneriano

E file aki ta den archivo.

ORANJESTAD – Recientemente, Club Boneriano a organisa e celebracion di Dia di Boneira na Centro di Bario Brazil pa e comunidad Boneriano residencia aki na Aruba. 

Minister di Finansa y Cultura Xiomara Maduro, tambe tabata presente y a gradici e comunidad Boneriano pa nan gran contribucion cu desaroyo di Aruba.

Den su discurso Minister Maduro a repasa algun nomber di personahe di decendencia Boneriano cu a y ta yuda na e desaroyo di Aruba, manera, Sr. Hubert ‘Lio’ Booi, den feliz memoria, Sr. Glenn Thode, Sra. Lydia Emerencia, Sra. Belen Kock-Marchena, sra. Munye Oduber-Winklaar y Famia Goedgedrag, aunke tin mucho mas cu ta aportando na Aruba.

Esnan presenta por a gosa di un ambiente unico di Boneiro pero tambe saboria platonan tipico Boneriano. 
 

Celebracion Dia di Boneiro hunto cu Club Boneriano.