Den e periodo di april 2023 te cu juni 2023 a ricibi 493 diferente tipo di peticion. Di e 493 peticion ricibi, a trata y otorga e permiso relevante pa 254 peticion, 121 peticion ta den tramite, 112 peticion ta wanta pa falta di documento of pago y a depone 6 peticion pa falta di interes di cliente of a duna permiso caba.

Di e 254 peticion ricibi y e permiso relevante duna, 165 ta peticion pa permiso nobo di cual 34 tawata pa un eenmanszaak, 20 pa filiaal, 8 pa N.V., 101 pa VBA y 2 pa un Vennootschap onder Firma (VOF). A otorga mayoria permiso nobo pa negoshi cu tin actividad comerdial como “Koffiehuis- restaurant, take-aways en andere eetgelegenheden.”

Pa loke ta trata otro tipo di peticion a permiso manera entre otro overplaatsing, wijzging aard y intrekking, DEACI a procesa 89 peticion y a otorga e permiso relevante den e periodo di april 2023 te cu juni 2023.

Na october 2022 Minister di Asunto Economico, Comunicacion y Desaroyo Sostenibel Geoffrey Wever a introduci e vestigingsbeleid nobo (Business Establishment Policy), cu entre otro e meta pa acelera e proceso di otorgacion di permiso door di elimina diferente rekisito, digitalisa ful e sistema di peticion di permiso y stimula e ‘promising sectors’, inversion den centro di Oranjestad y San Nicolas etc. Meta di e vestigingsbeleid nobo ta pa emiti permiso den un periodo di dos siman.

Gobierno ta gradici DAECI pa percura emiti permisonan pa negoshi na forma eficiente y lihe y tambe pa compila na un forma continuo.